الأحد، سبتمبر 23، 2007


انا موافقة..
اكون عندك
كما التحفة
فتستعرض
بها ذوقك على اصحابك
وتتهافت
على الكلمات
تشيد بيا
على النظرات
التى بها حسدوك
وآخر الليل
مرمية
فى ركن مالوش اهمية
عليا تراب
ونسيج الملل
اتغزل
خلاص فيا
وممكن يوم
تهادى بيا
فمن سهرة
مع رئيسك
تاخدلك بيها ترقية
ومن رقصة
مع السيد
تنال انت الباشوية
انا وجعى
كوجع البحر يتكسر
كل يوم ع الصخر
كوجع الطلقة
يوم تدخل
فى جسد الطفل
لكنى فى يوم
يفيض بيا
فأقطع كل صلة بينا
بقطع بسيط
فى اديا

هناك 12 تعليقًا:

nour يقول...

انا نزلت بوست كنت كتبته من زمااااان
لحد ما اكتب تانى
:)))))

غير معرف يقول...

your post reminds me of the masculine perspective of a poem entitled MY LAST DUCHESS where the Duke prides himself holding his love in a portrait, a piece of art, a possession in his behold!

your simple but deep wounds...express the feminine part of this

how we long to be within their circuit..just to be that close


welcome back :)

elkamhawi يقول...

بقطع بسيط
فى ادي

تــسنيـم يقول...

أولا وحشتيني مووووووووووووت

ثانيا هنا بقى يكمن مربط الفرس:

لكنى فى يوم
يفيض بيا
فأقطع كل صلة بينا
بقطع بسيط
فى اديا

يعني مش هتتقدري تقطعي صلتك بيه إلا لو أنهيتي حياتك وهيا دي سخرية القدر نرضى بأقل القليل ولا نتمكن الفرار أبدا وزي ما قال نزار وهل يستطيع المتيم بالحب أن يستقيلا؟؟

dead man يقول...

قريت البوست مرة واتنين .. ورحت وجيت .. وما ان اقتربت من التعليق كالعادة بما يتناسب مع البوست الا وخبرتني العنقاء بأت هناك شيء يأتى عكس الريح.. ان هناك شئيا جيدا في الأفق.. دلتها عليه الألوان واختيار الصورة.. وتعليق بعد غياب يقول ان هذا من صناديق قديمة


في انتظار الجديد

ذو النون المصري يقول...

ما شاء الله
ابيات جميله و معبره عن حالة انثي تعيش في ظل حبيب لا يراها الا انها انثي جميله و يستغل جمالها اسوا استغلال
كان الله في عون من تعيش هذه العيشه
مش عارف ليه افتكرت محجوب عبد الدايم بتاع حزب طظ في القاهره 30
تحياتي و كل سنه و انتي طيبه

غير معرف يقول...

ياااااااااااااة كلام صحيح مؤلم
صحيح جامد
صحيح بيفكرنى بحاجات ما كنتش عايز افتكرها
ربنا يستر!

.:.-=- ELGaZaLy-=-.:. يقول...

جميل يا نور بجد جميل اوى...

الشجن بين السطور جميل اوى ..

Mony The Angel يقول...

bgad wa7ashteeny awe
w wa7shtny ktabtek aweeeeeeeeee
ha3od a2ra felpost kaam marra kda :D

w about alraqam 7ader hab3athoolek 3al email
hwa m3a 3asef anyways ya3ny :D
ya rab matet2a5areesh b2a tany

Reemo يقول...

أنا ارفض
ارفض ان اكون تحفه لديه
ارفض ان يستعرض بى
ارفض ان يلقينى مهمله
ارفض ان يهدينى لغيره
ارفض ان اقطع يدى لانهى اتصالى به
عارفه ليه
لانه هو مش هيقبل
حتى لو كان متيما بالحب
لذا فانا اعلن رفضى

LAMIA MAHMOUD يقول...

حلو اوي يا نور بجد .. مش عارفة اقول غير اني حسيت كل كلمة

بس اية حكاية نزعاتك الانتحارية دي يا بنتي

Amira Hassan يقول...

بجد تحفة يا نورا ..اثرت فيا اوي

Related Posts Plugin for WordPress, Blogger...