الأحد، أكتوبر 22، 2006

..رباعيات


جالك اوان ووقفت موقف وجود
..ياتجود بده يا قلبى ..يابده تجود
..ماحد يقدر يبقى على كل شىء
..مع ان-عجبى-كل شىء موجود
***
..ياوردة قلبى معاكى فى الريح لعب
..لاتعبتى م الريح..ولا قلبى تعب
..احنا كده..نرتاح فى صخب الجنون
..وفى السكون..بنخاف اوى و نترعب
***
..مهبوش بخربوش الالم و الضياع
..قلبى و منزوع م الضلوع انتزاع
..يا مرايتى ياللى بترسمى ضحكتى
..ياهل ترى ده وش ولا قناع؟

هناك تعليق واحد:

dead man يقول...

..مهبوش بخربوش الالم و الضياع
..قلبى و منزوع م الضلوع انتزاع
..يا مرايتى ياللى بترسمى ضحكتى
..ياهل ترى ده وش ولا قناع؟

حتى هذا القناه لم يعد موجودا

Related Posts Plugin for WordPress, Blogger...