السبت، يناير 06، 2007

؟؟؟


..هو انت لسه مزهقتش؟
يا بنى انا مش بتاعة حب
..وحوارات
..انا اخري
..سيجارتين على قهوة
..وكوباية شاى
..وكتاب اجيبهولك تقراه
..نتكلم آه
..اضحك ممكن
..انما ابكى لأ
انا البكا عندى
..ليه خصوصيته
..زى الحب عندك بالضبط
..وانا لو حبيتك
..هبكى
..وكده
..لا هيكون لبكايا طعم
..ولا لحبك تفرد
..يعنى لسه مصمم؟
يا بنى انا صندوق مقفول
..محدش قدر يفتحه
..ولو اتفتح بالقوة
..هينفجر
..بتضحك
..أضحك
..ماهو اللى قبلك ضحكوا برضه
..ومع كترهم
..محدش يقدر يقول
..انى حبيت فى يوم م الايام
..مش بقولك
..انا مش بتاعة حب و حوارات
.انا اخرى
..سيجارتين على قهوة
..وكوباية شاى
..وكتاب اجيبهولك تقراه
..نتكلم آه
..اضحك
..ممكن
..انما ابكى
..لأ
الف لأ

هناك 30 تعليقًا:

we2am يقول...

الف لأه ولا لا..علي دمعة في عيونك او اه! :D
ايه يا بنتي..صباح الورد!!
"هو احنا ممكن نموت قبل مانبوس و نحضن وكده؟"
من فيلم ثقافي..المبدع محمد امين
:D
بلاش الاسوار الغريبة اللي بتخترعيها دي يا نور..ده انت بقيتي شبه حد اعرفه يا معلمة ;)

karim adel يقول...

انا مش عارف على البوست ده بالذات اقولك ايه بس بجد حلو
بس انا ممكن ألفلك البلد دى فى سجارتين
وتضربيهم على القهوه مع كوبايه تمر هندى وشويه فول سودانى وادعيلى

هيثم ابوعقرب يقول...


انا اخري
..سيجارتين على قهوة
..وكوباية شاى
..وكتاب اجيبهولك تقراه


عمر قال
صباح الجرح ف المجروح
بتجرحيه علني طب سيبيه مع نفسه يعرف

ايوه كده عارفه عملت الفقره الي قاتت السنيو المكرر
قبل م اكمل قرايتها
بس علي كل حال انا موافق
ع الاقل هستفاد بكتاب

يلا

مُزمُز يقول...

انا البكا عندى
..ليه خصوصيته
..زى الحب عندك بالضبط
..وانا لو حبيتك
..هبكى
..وكده
..لا هيكون لبكايا طعم
..ولا لحبك تفرد

والله إنت ياللي متفردة جدا في كتابتك

الجحيم هو الحقيقه يقول...

نور
الله عليكى
فطست على نفسى من الضحك
يخرب بيت عقلك

فعلا عيا ل رزله مش عاوزين يفهمها
افهمها بقى

جا تكو نيله ما ليتو البلد
سم

نور قا عده تفهمكم مفيش فايده
عا لم بلطه
سلام
بس بجد
فطسا ن على نفس من الضحك

Mony The Angel يقول...

bas 7'dy balek ya noor, 3shan shaklek kda hatb2a a7'retek we7sha w hatobby gamed ;)
ana msh bafawel 3aleeky wala haga..
bas alnas de (ally zaiek ya3ny :))
lama bio2a3o btb2a alwa23a gamda bgad msh hezaar ya3ny..
fa 7'ody balek mn sando2ek b2a ;)

أجدع واحد في الشارع يقول...

هو انت لسه مزهقتش؟
يا بنى انا مش بتاعة حب
..وحوارات
..انا اخري
..سيجارتين على قهوة
..وكوباية شاى
..وكتاب اجيبهولك تقراه
..نتكلم آه
..اضحك ممكن
..انما ابكى لأ
بجد الحته دى دخلت دماغى اوى اوى
وبجد اكثر من رائع

مصـ( الخير )ـعب يقول...

على فكرة... يا بخته اللي في يوم هتحبيه

بس ده قدامه كتير أوي عقبال ما يخليكي تتكلمي..

إحساسه عالي أوي، وخليتيني أنا اللي هأعيط..

بس برضه زيك ما حدش بيشوف دموعي بالساهل

ده أعز أصحابي ما شافهاش غير مرتين في 12 سنة

dead man يقول...

أنا لما قريت التدوبنة دي حسيت انها امتداد للتدوينة اللى فاتت مع اختلاف الأجواء .. الأولي حسيت أني كنت بقراها علي البحر في اسكندرية.. والتانية في وسط البلد..

احنا كده بنحط نفسنا في صناديق ونكتب عليها من بره "خطر الموت".. بس زي ما قلتلك علي الصندوق اللى كان فيه أشياؤه الغيرة أن دي صناديق بنفتحها لما احنا نحب.. برضه الصناديق اللى احنا فيها بيبقي نفسنا حد يفتحها.. بس كل ما يجي حد نشاوره علي الصندوق من بره ونقوله خلي بالك .. ولما يمشي نقول للناس "شفت مش انا قولتلك محدش بيقرب كله بيخاف"

ممكن لو حد فتح الصندوق يبقي لبكاكي طعم ولحبه تفرد..

3asef يقول...

هههههههههههه ارتباط الحب بالبكاء اصبح واقع عندك

اما بالنسبة للبوست فالصورة رووعة يا نورا بتعبر عن الحياة بلا حب
اما كلامك فبصراحة بلشتي تصيري قوية كل بوست والتاني بتخيلاتك والتمرد الانثوي بلش يظهر فيها الله يستر من الطغيان هههه

mansourawy يقول...

التدخين ضار جدا بالصحة ويسبب الوفاة

nour يقول...

وئااااااام
:)))
مين الحد ده يا وئام هه؟مين مين قولى متخافيش
:)))
karim adel
:)))
طب انا موافقه على النصيحة و هجربها اما نشوف ايه نظامها
منوور البلوء

هيثم ابو عقرب
صباح الجرح ف المجروح
صباح ممسوح
دموعه نازلة مفتفته
شبه فتارين وسط البلد
وسط الشتا
الله عليك يا عمر و الله
بالنسبه للكتاب مكتبتى العامرة تحت امرك يا معلم انت اطلب بس
مزمز

ربنا يخليييييييييك
متفردة دى كلمه جامدة اوى
منووور او منورة مش عارفه
الجحيم هو الحقيقة
:))))))))))
طب اقول ايه بس اكتر من كده علشان يفهموا؟؟
يللا عادى
مبسوطة انك ضحكت:))
mony the angel
و الله يا مونى مقلقه من الحوار ده انا وقعتى بتبقى زى النيلة مش وحشه بس
ربنا يستر:)))
منورة

اجدع واحد فى الشارع
ربنا يخليك يا معلم ده من بعض ما عندكم
منوور
مصععععععععععععععععععب

على فكرة انا بحبك لله فى لله:)))
اعز صحابك شافها مرتين؟؟؟
كتير يا مصعب ده اللى احنا اتفقنا عليه؟؟؟هى مرة واحده خلال ميت سنه:)))

احمد الهواااااارى
منووور
بالضبط كده زى ما بتقول خد بالك مش هتعرف تفتح الصندوق و انا بدعى ربنا انه يفتحه
انا عايزه حد يفهم كده من غير ما اقول
تفتكر؟؟؟
:)))

3aseeeeeeeeeeef
يا معلم انت ليك الفضل انى الاقى الصورة الرائعه دى
شاكرين مهللين
:)))
البكا مرتبط بالحب عند الناس كلها يا بنى
هو الواحد لما يحب بيبقى عايز يعيط
:))
mansourawy
:))))))))))))))
و الله انا بقول كده مش مصدقينى

bagabigo يقول...

ياه يا نور قد ايه كلامك عميق و بيوجع برافو بجد

مُزمُز يقول...

لأ منور
منور جدا كمان

VEЯŎ يقول...

حلوة يانور

karakib يقول...

حرام عليكي تعملي فالواد كده .. ليه كده ؟ ها ليه كده ؟
حلوه بيعجبني الأسلوب الصريح اللي بيقول كلمه و رد غطاها لأ يعني لأ من غير معلش و الظروف و الكسوف

frozen love يقول...

ntkm ah..lkn abky l2...

ya slam 3leky...ana 7ass bttwr elayamde fe ktabtk..we shkl fe entlaka gdeda..isa htt7fena b7agat ganda t7n

nice words wlahy...bseta we 3meka

t7yaty

shaimaa يقول...

..انا مش بتاعة حب و حوارات
.انا اخرى
..سيجارتين على قهوة
..وكوباية شاى
..وكتاب اجيبهولك تقراه
..نتكلم آه
..اضحك
..ممكن
..انما ابكى
..لأ
الف لأ
enty gbty eli feha ya bnty wallahi bklmten 2bst ma yekono bs 27sashm 3ali gdn

Ehab يقول...

مش عارف بس انا حاسس انك بتبني اسوار حواليكي و خايف تتحبي
خايفه عشان مش تنجرحي تاني
بس بجد . . . كلام من واحد خد علي دماغه كتير من بني جنسك انا اتعودت علي الالم ده
وصلت معاه لمرحله الالم النبيل اللي بيفجر حاجات جوايه حلوه

ايه لكلام اللي انا باكتبه ده ؟؟؟؟!!!؟؟
قلبتوا الماجع علينا
هاروح اذاكر احسن
:D :D

tamer afify يقول...

بجد رائعة جدا يا نور
لغتك جميلة
وإيقاعك هايل
وإحساسك أجمل
تحياتي

Oma يقول...

3agbetni awiii kalematek de !

tarwe2tek to7fa begad 7aga keda zay 7agat sala7 jaheen..a7ayeki :)

elkamhawi يقول...

بجد مش عارف اقولك اية ؟
انتى بالبوست ده عديتى بيا حدود الكلام بجد
كل حرف فيه معبر جداً
اقتباص من مصعب
يا بخت اللى هتحبية
بس المهم السيجارتين دول جواهم اية

اهبلينى براحتك

whyme يقول...

البوست فيه تجديد و فيه فكره جديده
لان دايماً بيكون العكس البنات هما بتوع الحب و الولاد هما الى بتوع سيجارتين على قهوه
و لكن من الظاهر ان البنات اتعلموا الدرس جيداً بينك و بينك كده اريح و احسن

whyme يقول...

نسيت اقولك ان صورة البوست جميله جداً

albida يقول...

يخرب بيت عقلك يا نورا!! روحى خوديه قلمين أحسن
هههههههههه

أسلوبك كانه حوار مقطوع يعنى بنسمع جزء منه اللى هو كلامك وبنتخيل بقيته اللى هو كلام اللى انتى بتكلميه.. بس كل حاجة بتوصلنا من خلال ردك عليه
حسيتك جامدة أوى وأنا بقرأ الكلام ده, مش عارفة ليه؟

manal

هيثم ابوعقرب يقول...

يا الروعه عارفه
هيا كده فعلا بس ليه مقولتيش
السجيار هتبقي محشيه ولا ساده
وباعدين حد دلوقت بيفكر يستني حد يحبه
اكيد زي م قولتي هيزهق

nour يقول...

bagabigo
هاااجر
ربنا يخليكى يا هجورة كلامك دايما جميل كده؟:))

مزمز
:)))
ده انا لسه كتبالك فى البوست التانى على انك منورة
بس معلش غلطة غير مقصودة
منووور يا معلم:)))

vero
الله يخليكى يا رافعة معنوياتى:))

هاااااااااااانى
يا بنى سيبك انت اللى فاهم التيته:)))
اعمله ايه بس يا هانى مش راضى يفهم:)))
ذاكر بقى:))

frozen love
ميرسى يا حامد على الكلام الجامد ده
عجبتنى بسيطة و عميقة دى
تحياتك مقبولة يا سيدى:)))
shaimaa

منورة على فكرة
انا كده يا بنتى بحب اجيب من الاخر:)))

ehab
لا بالعكس كلامك شيك جداا
و جايب من الاخر يعنى انت فهمتنى صح
ذاكر كويس بقى علشان الامتحانات ملهاش عزيز:))

tamer afify

انا المفروض اطبع الكلام ده و ابروزه و اعلقه فى الصالة
يعنى واحد من احسن اربعة عندى بيكتبوا شعر بيقولى انا الكلام ده
مش عارفه اقولك ايه
ربنا يخلييييك

oma
صلاح جاهين!!!!
لا مش اوى كده
يا لهووى ده انا تصببت عرقا:)))
هو انا ماطولش نص ربع تلت خمس سدس عمنا صلاح جاهين
بس منووووورة و ربنا يخلييكى جدااا:))))))
elkamhawi
السيجارتين مارلبورو ابيض و الله يا معلم
و احيانا فى الظروف الاقتصادية السيئه
L&M
:))))
منووووور دايما

Whyme
:)))
الصورة انا بحبها اصلا جدامنور و شكرا على كلامك الجامد

albid
منوووله
هاهاهاهاها
هو المفروض كده اجيب من الاخر قلمين على وشه و اجرى:))))
منوورة دائما و ابدا:))
هييييثم ابو عقرب
المفروض يزهق و الله يا معلم
مش كده
السجاير سادة و الله:))))))
مش العارفه الناس مش مصدقانى ليه:)))
انت يا ولد يا هيثم مش بترد ليه على التليفون هه؟هه؟

elkamhawi يقول...

انا دخلت تانى وقريت تانى بس عندى فكرة ما تحبى وتبكى مع عم النظر الى اى حوارات اخرى اية المشكلة انا لو كدة هفتح الصندوق حتى لو انفجرتى مش مهم حتى لو
هتبكى مش مهم المهم انك تحبى




مارلبورو ابيض تمام جداً انتى دماغ

أخف دم يقول...

والله فكرة حلوة حكاية التخصص دى.. يعنى الواحد يروح يحب واحدة تانية ولما الشوق يهفه يقول لها معلش هروح لنور شوية آخد سيجارتين معاها وأشرب كباية شاى وآجى..حلوة والله..وبعد ما يكتر المعجبين مين عارف؟ ممكن تعملى قهوة محترمة يجيلك فيها كل اللى حبوكى..ومعاك واحد قهوة للواد اللى هناك ده اللى حبنى ف شهر يناير.. ونسكافيه كمان للواد بتاع المترو..واعمليها غرف بقى زى الشات.. والله مشروع كويس..

دينا فهمي يقول...

ايه يا بنتى الجمال ده؟؟

Related Posts Plugin for WordPress, Blogger...