الخميس، أبريل 26، 2007


مساء صيفى معبق برائحة التوت و الذرة المشوية..مساء صيفى يحمل معه رائحة حب جديد فى عيون جارتى المراهقة..بدايات حب و نهايات حب فى بداية كل صيف..و رائحة الاستعداد لامتحانات الثانوية العامة تجبرنى على استعادة الذكريات..فى ذلك الوقت منذ اربعة اعوام و فى ذات الشرفه..بجوارى مج الكابيتشينو عصارة الافكار و رائحة الورق المصور و الاستذكار..كنت افكر فى خيبتى العشقية الاولى التى اتخذت مكانها باقتدار على رف الذكريات..منذ ذلك الوقت..و لم يندمل بعد اثر معركتى الاولى مع الرفيق الدائم..الحزن
مساء محمل بخيبة الامل اذن..مع نفس المج البرتقالى المملوء بالقهوة هذه المرة..قهوة تركية فى عصر القهوة الفورية و العشق الفورى
ادخل الى الغرفة المعبقة برائحة الصور..تستوقفنى نظرات لبنى عبد العزيز المتذللة الى يحيى شاهين فى افيش فيلم هذا هو الحب المعلق على الحائط امامى..اريد انا الاخرى رجلا قادر على الشك فى عصر اصبح كل شىء فيه مستباح لليقين
مذاق خيباتى الفريدة من نوعها يملأ فمى..و على وجهى يتوالى الم كل صفعة من كل رجل مر او لم يمر فى حياتى
اليوم يستهوينى انتظار رجل يغير من قناعاتى لا تستثيره انوثتى بقدر ما يستثيره كونى مغلقة لم يجرؤ احد حقا على اقتحامى..اريد رجل الوقت ليلا ..و الحزن ليلا..و العشق سهوا
اليوم انتظر من يرغمنى على خوض معركة اخرى و خيبة متكررة
تراودنى فكرة اعتزال العشق فهل من رجل يقلب تاريخى و يغير مجرى حياتى؟
اليوم اترك لشفتاى الحق فى الحلم بقبلة لن تحدث..و رجل لن يأتى
اليوم اسعى لخيبة جديدة قد تجبرنى على البقاء..او قد تعجل من الرحيل

هناك 31 تعليقًا:

الوردة السوداء يقول...

اسلوبك بجد رائع فى الحكى

هايل جدا

كاتب رائع

REEMOO يقول...

اريدك ريحا تهز حياتى
اريدك اعصارا يزلزل كيانى
قويا تقتحم اسوارى
نور
بجد كلامك رائع
عجبنى جدا
ابدعتى
تحياتى

elkamhawi يقول...

ستجبرك على البقاء

Sampateek يقول...

جدا جدا
جميلة
تحياتي

Feras othman يقول...

the words are so emotional ,they made me see the whole picture as a scene on a theatere and you were the star expressing your inner suspecions and thoughts !!

wounderfull

توتة توتة يقول...

اسلوبك حلو اوي و حلوه الوردات اللي طايرة دي
بس الافكار بأى مش حلوه خالص
تحياتي

Moody يقول...

اريد انا الاخرى رجلا قادر على الشك فى عصر اصبح كل شىء فيه مستباح لليقين
---------
يا دماااااااغك
يا دماااااااااغك
إنتى فعلاً أُخرى
أنا بقيت بدعى عليكى إنتى و وئام
كل بوست حاجه تلطش زى إزازة الفودكا

bagabigo يقول...

اليوم انتظر من يرغمنى على خوض معركة اخرى و خيبة متكررة

ايه دا يا بنتى
وحشتينى بجد
مساء الإحساس

Usher يقول...

http://2lm.blogspot.com/
مشى ياعم بس ابقى ادخل عندى وشوف المعروف

LAMIA MAHMOUD يقول...

صباحه تهريج يا جميل بجد

عصارة افكار من الكابتشينو واحمد خالد توفيق ماثر معنى كده انك بتفهمي


ثورة على حاجات فاتت وامل في حاجات جاية معنى كده انك هايلة


اما عن اسلوبك فانتي مبدعة

Baher يقول...

القبلة ستحدث .. والرجل سيأتى

ربك لما يريد احلامنا هاتتحقق وكلامنا هايتصدق والغايب هايعود
كلام منير شعلة تضيء طريق الحياة

micheal يقول...

أسلوبك جميل أوي يا نور و باذن الله ربنا حيحققلك كل أحلامك و ارمي أي ماضي ورا ضهرك
تحياتي لكي

الحاج أبو جمال يقول...

جميل وكما جميل برضه

buffy يقول...

tb3n enty 3arfa ra2yee

أخف دم يقول...

هييييييييييه .. ومادايم إلا وجه الله
شوفى يا نور.. ما تقلقيش يا بنتى .. هتتجوزوا ان شاء الله ماتقلقيش ..المشكلة دى انتى مش لوحدك فيها يعنى .. بنات كتير زيك عايزين يتجوزوا برضه بس ظروف الشباب .. أنا عارف ان سنك كبر وبقيتى عشرين سنة وقطر الجواز بدا يفوتك بس هنعمل ايه .. النصيب بقى..
ادعى بس ربنا .. وجربى الطب البديل

إبـراهيم ... معـايــا يقول...

مدونة حلوة ، وكتابة أحلى يا نور .....


اتفاجئت بيكي :)
.
.
تحيااااااتي ع السريييع

dead man يقول...

تراودنى فكرة اعتزال العشق فهل من رجل يقلب تاريخى و يغير مجرى حياتى؟

عندما تقولها فهى حتما لا تعنيها.. فهى لا تنوى على الانتحار وتسال عمن يحييها.. هى فقط تريد تريد سببا لاستمرار في الحياة.. للاستمرار في الحب..

للاستمرار في الحياة.. بعيدا عن معارك قد خشرتها.. أملا في أن تكسب الحرب في النهاية

مروة جمعة يقول...

صباح الورد يانوووووور
جميلة رائحة الشجن فى البوست
جميلة ..جميلة..إلى الامام يانور
بس انا ما اقدرش على الرومانسية دي اهئ..ههههههه...هاهاهاهاهاها
دى هلاوس ! ....ا

3asef يقول...

اممممم كتاباتك بتطور دائم نورا ... :)بس هال المرأة الجرأه اكبر
خففي من جرأتك ههههه سلام

vetrinary يقول...

اريد انا الاخرى رجلا قادر على الشك فى عصر اصبح كل شىء فيه مستباح لليقين

الله
ايه الجمله الادبيه الروعه دى

نور
لو عايزة سى السيد يبقى لازم تبقى امينه
اى واحده اليومين دول بتلبسى عبايه امينه بتزهق منها بسرعه
بتفكر اللى معاها دايما اننا فى سنه 2007
وان السيد احمد عبد الجواد مش ممكن يصحى تانى
السيد احمد مات
وامينه ماتت معاه
دلوقتى الرجل بيقول للست
لا تحسبى انى ساحكم فى الفراش بمفردى
لا فرق عندى ان اردتى او لم تريدى
مفيش راجل شرقى
وانتو اللى عملتو فيهم كده
بالشعارات الكدابه
وامساواه
ولو خنتنى انا حقى اخونك
كلمه اخيرة
البلد بردو رغم اللى انا قلته فيها رجاله

Blank-Socrate يقول...

كلاماتك جميله جدا و عميقه

لا تستثيره انوثتى
احب ذلك مع اختلاف الدوافع

FrEe.PhArAoH يقول...

اسلوب روعة فعلا

وصفك دقيق اوى لمشاعرك

تحياتى

أحمد ندا يقول...

تشبهين الكآبة
قلت لها باختصار شديد
تشبهين الكآبة

محمود درويش

Carol يقول...

حلوة قوي:)

Ahmed taher يقول...

هاي نور
دي اول زياره ليا ومعتقدش هتكون الاخيرة
كلامك لذيذ وحلو بج
بوست رائع بجد
تحياتي الخالصى ليكي

OMA يقول...

اووووووووف

تجنني يابنتي
عجبتني اوي روح الثوره
عجبتني اوي قوه كلماتك

مش جديد عليكي الابداع ده يافنانه;)

tamer afify يقول...

أد ايه المدخل مختلف ومتميز

العشق سهوا

تحياتي

Esmeralda يقول...

لسه بدرى على الاعتزااااال

لازم تستنى

voice of love يقول...

اتمنى ان تجبرك على البقاء هذه المرة
اسلوب رائع راقى

nour يقول...

micheal
ربنا يخليك يا معلم منووووور جداا

الحاج ابو جمال
جميل و جمال كماان
:)))
طبعا منور احنا نقدر نتكلم يا فندم:))

buffy
يا بنتى انت بتقولى كده علشان انت رقيقه بس:)))
ربنا يخليكى ليا


اخف دم
يا عم اشرف انت مش هتسكت بقى و متفضحناش:)))
منوووووووووووووور بعد طول غياب

ابراهيم معايا
بس حلوة المفاجأه؟؟؟
منووور دائما و من الآن فصاعدا:)))


احمد الهواااارى
واحشنى يا معلم
ربنااا يخليك و الله انت كلماتك اللى رائعه
منووووووووووور

مروة جمعه
منووورة يا بنتى :)))
ووحشانى كمان
ربنا يخليكى:))

عاااصف
ربنا يخليك و حاضر هزود الحرأة شويه:))))))))
مش هقولك منور انت صاحب بلوج:))

vaterinary
يا عم ابقى اكتبلى اسمك الحقيقى علشان اعرف اخاطبك:)))
اولا منووور كالعادة
ثانيا انا مش هقول حاجة علشان انت هتصدم من كلامى انا اصلا شايفه ان الستات مخدوش لسه حقوقهم و لا حاجة كل دى اكاذيب مضلله
و انا بقى اللى هطالب بيها بحد:)))
ثالثا منوور برضه:))))

nour يقول...

blanck socrat
اول مرة تزورنى
منوور و ربنا يخليييك:)))

free pharaoh
فيينك يا معلم من زمان
منوووور
ربنا يخليييك

احمد ندا
فظيييع محمود درويش
منووووووووووووووور

carooool
ازيييييييك
منووورة ربنا يخلييكى

احمد طاااهر
يا معلم تنور
يا ريت متكونش الاخيرة
ميرسى على الكلمتين الجامدين دول

Omaaaaaaa
ازييك يا بنتى
ربنااا يخليكى
منوووورة

tamer afify
طبعا انت عارف ان كلمتينك دول شرف ليا
:))))
ربنا يخليييك
منووور كالعادة
هو كل حاجة سهوا دلوقت:)))

esmeraldaa
هاهاهاها
لسه بدرى على كل حااجة
منووورة

voice of love
اتمنى ذلك انا كماان:)))
منووووور

Related Posts Plugin for WordPress, Blogger...