الاثنين، يوليو 21، 2008

كيف انت؟؟



يخبرنى الطبيب ان الجلوس على الارض افيد لعظامك المتعبه من رفاهية الفوتيهات و التكييف..ربما العودة الى الارض تجدى نفعا
..وانا اسمع كلام الطبيب
**********
تخبرنى امى ساخرة ان البلاطة(المخلخلة) فى حجرتى اسفلها كنز فابحثى جيدا
..وانا اخشى ان يكون الكنز فعلا تحت البلاط فتندم امى على سخريتها
***
يخبرنى جدى ان الحجرة اسفل السلم بداخلها الحصان الطائر..حبس فيها منذ زمن حتى تهدلت جناحاه
..وانا اعرف كيف يمكن رد عنفوانهما ليحملنى بعيدا ..فقط لو تواتينى الجرأة فى دخول الحجرة
***
يخبرنى ابى ان عبد الناصر بطلا..و يمضى النهار فى سماع خطبه المسجلة..يعطينى ابى جنيهان و يطلب منى ان اعود له بالباقى..و انا اخبرت ابى ان عبد الناصر



 قد مات..و ان ما يتبقى فى حقيبتى فى نهايه اليوم هما هذان الجنيهان
***
تخبرنى جدتى ان القضا المستعجل يدخل من الابواب المفتوحة فاغلقى الباب جيدا..و انا اسهى جدتى و اترك الباب مفتوحا..فأنا اريد ان اعرف كيف هو شكل القضا المستعجل..ربما يبدو لطيفا مقارنه بالوضع الحالى
***
تخبرنى اختى انه قد صار وقت الهروب..فاعقدى ملاءات السرير حبلا ندليه من الشرفه لنهرب..و بعد ان انتهى من تجميع ملابسى و عقد الحبل الطويل..تتركنى و تذهب لتنام جوار امى
***
انصب خيمة من ملاءة السرير و اجلس اسفلها..اتظاهر اننى ليلى..اتظاهر ان الخيمة انتقلت..و اننى الآن وسط الصحراء..لا ترعبنى الصحراء
..بشرط ان ياتى قيس
..فالوحدة هى ما ترعبنى
***
تسألنى كيف انت؟؟
انا فقط
..لست بخير

***

هناك 35 تعليقًا:

3asef يقول...

في كتيييير اشياء بحياتنا بنقولها بسخرية وما بنفكر ولو لمرة نعملها هيك حال الدنيا نورا فقرات حلوة

vetrinary يقول...

اتخيلى للحظه
انك قزازه ميا معدنيه
على طبليه الكادحين
اللى بيحاولو يبنو الهرم الرابع
واللى كل واحد غموسه غلى قد الكسرة اليابسه اللى معاه
تفتكرى ساعتهاهيتبقى حاجه منك تفضل للمسكين اللى هيعدى بعد شويه يسال على ميه
خلى بالك من نفسك
....................
هناك قوى خفيه تدفعنا الى الخطا

vetrinary يقول...

على فكرة يا نور
الكومنت اللى اتكتب ده مش على البوست ده
على البوست اللى انا مش هنزله على المدونه بتاعتى

dr_clever يقول...

نوووووور انا جيت
ايه الحوارات الكتير ده
بلاط وكنز
وحصان طائر
والجنيهات الخشب
لالالالالالالالالالالالالالالالالا
انتى كده كنتى معانا فى عيد الميلاد
صباح الفل يا معلم

REEMOO يقول...

أتمنى ان تكون حاله مؤقته
تنتهى بعد فتره
هل تعتقدى ان القضا المستعجل ممكن يكون احسن من الوضع الحالى؟
وجهه نظر تستحق التفكير
تدوينه مميزه
اتمنى تكونى بخير
تحياتى

ذو النون المصري يقول...

الله عليكي
انا لا اجامل اطلاقا
خواطرك ممتازه جدا و عميقه جدا
رغم ما يبدو عليها من بساطه و سهوله
تحياتي

shayma يقول...

دى اول مره ادخل هنا..مدونتك لذيذة
البوست حلو اوى يخليكى تفكرى
ان القضى المستعجل يكون احسن من الى احنا فيه يبقى خلاااااااااااااااص
وبرضه يمكن عندك حق
بجد حلو اوى
تحياتى
:)

Abdallah يقول...

استلقي علي الأرض
ابحثي عن الكنز
وأذهبي الي الحجره أسفل السلم
وأحتفظي بالباقي
وانتظري امام هذا الباب ولربما جدتك تعرفه فسأليها
ربما عليك النوم الأن
انه سوف يأتي
أسألك كيف انت ؟
ستقولين انا بخير

حلو اوي يا نوور انا حبيت اعلق بس بطريقه مختلفه شويه

OMA يقول...

ان ان تش
بغض النظر عن اني قرفانه ومخنوقه وبقالي اد كده مودي زي الطين
البوست عملي مود كده عجيييب
مش عارفه هو ايه
حسيت اوي بكل موقف وسمعتو بيقول ايه
بموت في الدماغ العاليه دي
اشكرك جدا جدا

باسم شرف يقول...

فكرة حلوة يا نورا
ومكتوبة حلو
سيبك بقي من الرسم واكتيبي

نبيــذ يقول...

عارفة يا نور

أحببت عالمك
و شعرت بوحدتك

قلبى معاكى

darsh يقول...

فكرتيني بالحكايات اللي كانت جدتي زمان بتحكيهالي عن حاجات كتير انا كنت وقتها مفكر انها ممكن تكون موجوده لمجرد اني مصدق ان جدتي اكيد بتتكلم صح لأنهم علموني وانا صغير ( للأسف ) إن الصغير المفروض يحترم الكبير ... فكنت دايما مقتنع ان احترام الكبير ده هو ان انا اصدقه في كل حاجه يقولها ..

حاجات كل ما افتكرها ببقي مقتنع تماماً اني المفروض اضحك على الحاجات دي .. بس برضه للأسف ما بعرفش اضحك عليها لأني مش بكون عارف المفروض اضحك على مين وليه ؟

Ahmad3tkh يقول...

ana begad msh 3arf 2a2olik eih yarit te7awly t5rogy men rl mode da wi isa hatkony b5eer

wi matnsidh

If You Keep Knocking On The Hell's Door Sooner Or Later Someone Will Answer You !!!


lessa fih amal


salaaaaaaaaaaamz

OMA يقول...

على فكره الصوره بشعه يانووووور

سهــى زكــى يقول...

انا بشكر مودى انه دلنى على مدونة جميلة لدماغ حلوة ومختلفة كتابتك حلوة قوى

bagabigo يقول...

مش قادرة اقولك اان كنت محبطة قد ايه قبل ما اقرا كلامك و ازاى بقى عندى امل
بحبك قوى

تسـنيم يقول...

وأنا كمان




لست بخير



وعد مني عندما يسألني في المرة القادمة عن حالي ألا أرتدي القناع الحديدي وأرد بكل برود( مالكش فيه) بل سأترك للضعف البشري الذي يعتريني مساحة لكي يتنفس وسأخبره إني تعبانة خالص من غيره

LAMIA MAHMOUD يقول...

ربما لم يتخير احدهم الوقت المناسب ليخبرك بما اخبرك .. وربما كان ما اخبروك بيه هو السبب في انك "لست بخير"

دمتي بود .. واتمنى ان اراك بخير قريبا جدا:)

.:.-=- ELGaZaLy-=-.:. يقول...

تسألنى كيف انت؟؟
انا فقط
..لست بخير
-------------------------

انا كنت منسجم جدااا مع ايقاع مشاعرك الهادئ نسبيا البسيط للغاية

صدقينى ما يظل فى النهاية هوا انتى؟؟ظ

عل عرفتى عما تبحثين حقا؟؟

اشك

صدقينى لا يهم الا ان تكونى بخسر ان تبتسى امام الجميع وانت ياكل بعضك بعضك
ويقابلك شخص لا تطيقينة ولا هوا تبتسمى فى وجهه ابتسامة زائفة
ويسائلك وبكل سماجة
ها كيف حالك

بخير وانت

حوار يدور مكرر لا يعنية صاحبة ولا يهتم السائل ولا السائل اصلا باعلم من المسئول لا تهتم هيا الحياة فى النهاية

المهم ان تبتسمى بحق تذكرى منظر طفل صغير فى يد امة يبتسم دون ان يعلم ماذا سوف ياتى

ابحثى عن ذاتك فى بضع كلمات فى اى شئ المهم ان تصيرى انتى انتى بحق وحينها

ستبتسمين لتلك الحياة المغلفة بالامل وفقط

المهم بحق نسيت ان اسالك .؟؟؟ وانت كيف حالك!!!

ابتسامة صفراء وماكرةوسمجة ساتعلم ان ارسمها

Baher يقول...

سلامتك الف سلامة

أحمد ندا يقول...

لعله أكثر كلمات اللغة مدعاة للسخرية ذلك الـ(كيف)..منذ قدم الأبدية ..وهي كلمة ملتبسة ضاجة..محيرة ..تبعث على الغيظ وعدم الرد بالأساس

joe يقول...

أنت رائعة جدا هنا ..وجدت نفسي بين كلماتك ..لا أستغرب ذلك .. كأنني كتبت بعضها أو كلـّها .. في خيالي ربما .. أو ربما لأننا نحن الاثنان ( زياديي) الهوى ..فأكيد سأجد بعض أشلائي بين صفحاتك ..
ـ على فكرة .. قرأت انك بتحبي زياد الرحباني وفيروز..وهيدا اللي خلاني أضيع بين صفحاتك وأستمتعت جدا بما قرأته
تحياتي لك
www.joe75.jeeran.com

elkamhawi يقول...

فين تعليقى
انا جيت علقت قبل كدة+
بس البوست رائع

dead man يقول...

وانا اسمع كلام الطبيب تندم امى على سخريتها،

فقط لو تواتينى الجرأة فى دخول الحجرة.. ما يتبقى فى حقيبتى فى نهايه اليوم هما هذان الجنيهان

فربما يبدو لطيفا مقارنه بالوضع الحالي، أن تتركنى و تذهب لتنام جوار امى فالوحدة هى ما ترعبي، فانا فقط
..لست بخير

نهايات مرتبة قد تصلح وحدها لكتابة تدوينة.. أو صناهة بداية

Carol يقول...

تدوينة رائعة
عجبتني بجد
فيها مزيج من الواقع و الخيال و حياتك الداخلية
شوفت صور كلها أبيض و أسود
!!!!

nour يقول...

بناء على طلب من والدى العزيز
نزلت البوست ده تانى
و بالنسبه للتعليقات

عااصف
ربنا يخليييييييييييك يا عصوف
هشوفك امتى بقى؟؟؟

احمد الدرينى
:)))
انا مش بعرف ارد على كلامك
بس اكيد عندك حق
منووووور

الدوك محمد
منووووور
ماشى يا دوك انا فهماك
:))))

دكتور كليفر
صباااح الف5ل عليك و الله
منوووور

ريموووووووووو
ربنا يخليكى يا قمر
منووورة دائما
مستنياكى تبقى اون لاين علشان نتكلم

ذو النون المصرى
انا عارفه انك مش بتجامل
و ده شرفليا انك تقول كده
ربنا يخليك
منووور

شيماا
ربنا يخليكى يا رب
منووووووووره
و مبسوطه انك زورتينى


عبدلله
دايما تعليقاتك بتعجبنى
متحرمنيش منها
منووور


اومااا
منوووووووووره
ربنا يخليكى و دايما تعجبك المدونه

nour يقول...

باااااااااااااااااااااااسم شرف
و الله انا بقول كده برضه يا باسم:))))))))))
مبسوطه انها عجبتك
منووووور دائمااااااااا

نبيذ
و انا عجبنى الكلمتين دول اوى
مبسوطه بتعليقك
منووور

درش
انت ممكن تضحك على كل حاجة
بس لما تبكى
هتبكى لوحدك
ده اللى انا اتعلمته و انا كبيرة
منوووووووووووووووووور

احمد المجهول
:))))
منور مع انى مش عرفاك
و شكرا جدا على التعليق
و اكيد لسه فى امل

مدام سهى
و الله بفرح بتعليقاتك جداا
منووووووووره
هاااجر الجميله
وحشاانى
منووووره
ربنا يخليكى يا قمر و انا كمان بحبك اوى

تسنيم
ياريت تعملى كده
منوووره دائما

لميا
الله على التعليقات بتاعتك يا بنتى
انا لازم اشوفك قريب

الغزااالى
هقولك انت بقى انا بخير مع ابتسامه اكثر خبثا:)))))))))))
منووووووور

بااهر
الله يسلمك يا معلم

nour يقول...

احمد ندا
:)))))))))
طب كيف انت بقى؟؟؟
منووووووووووووور

القمحاوى
فين يا عم التعليق ده
يللا مش مهم
ربنا يخليك يا معلم
منووووور

احمد الهوارى

الله عليك يا احمد
و الله العظيم كانت وحشانى تعليقاتك
متحرمناش من زياراتك يا معلم

كارول
ازيك يا بنتى
ربنا يخليكى
منووووووووووووووره جداااا

joe
انت مش متخيل مبسوطه بتعليقك اد ايه
انا اصلا هزورك حالا
منووووووووور

darsh يقول...

إنتي يا بنتي فين كل ده .. اعملي حاجه جديده بقى ... وانا متأكد انك في امتحانات وكده يعني .. ماهو كل حد اليومين دول يدخل في ايام الامتحانات يبقى مشغول جدا ومش فاضي يبص وراه حتى لو ما كانش بيذاكر (مش قصدي عليكي خالص)
لعلمك انا كمان كده افضل اقول انا مشغول وحاجات كده كتير وانا اصلا ببقى اول مره افتح المادة قبلها بنص ساعه


أنا بس داخل أمسي أو اصبح ده بقى متوقف على الوقت اللي انتي قريتي فيه التعليق بتاعي .. مع مراعاة فروق التوقيت

سلااااااموووووووووز

Feras othman يقول...

actually i was expecting a new post , and i think i read this before .... but what i am afraid of is "why you are not ok ?! "
i think its something we should discuss .

wishing you happiness my dear noura .

Blank-Socrate يقول...

انا مبهور بكلماتك
و لا اجد فى افكارك ما يليق بالرد على تلك الكلمات المكتوبه بحرفيه بارعه القريبه جدا من القلوب الواقعيه جدا لرتم الحياة و اخيرا
انت مبدعه و استخدمى هذا الابداع فى خلق حياة بسيطه لك
و هذا هو الابداع
تجردى من زيف الحياة الحالى
انها ابسط كثيرا
و لا يجب ان يكون فيها حزن او خوف لان ليس لاى شىء سلطان
بالكاد هو ليس الا عالم افتراضى
او هو مقدمه لمجهول لم يستعلم الا للذين تجردوا و انسلخوا عن الواقع المزيف؟
انا مش فاهم حاجه

Mony The Angel يقول...

"
تسألنى كيف انت؟؟
انا فقط
..لست بخير"

It's so clear
i know i'm here so late
but hope u feel much better now ya gameela (f)

مصـ( الخير )ـعب يقول...

أنا فقط لست بخير..

Mony The Angel يقول...

again!

:S

will يقول...
أزال أحد مشرفي المدونة هذا التعليق.
Related Posts Plugin for WordPress, Blogger...