الخميس، يونيو 21، 2007



مكتوب على ظهرى

..تصلح للاستخدام كصديقة

..ولا تصلح للحب

تعمل 12 ساعة متواصلة

..وتقضى 12 ساعة فى اكتئاب صامت

..تتحدث العربية و الانجليزية

..مع عبارات الترحيب ب6 لغات اخرى

تستمع اليك افضل من اسامه منير

..و حلولها للمشكلات ربما اكثر منطقية

..تخبرك ما تود انت ان تسمعه

..و دائما ما تسعد قلبك المسكين

..فتخبرها كم هى رائعه

و تقبلها على خدها

..و تمضى مع اخر ساعة فى ساعات العمل

..و تتركها لساعات الاكتئاب

..وحدها

او ربما تسمح لنفسها بسماع اغنية

she..

على سبيل معاقبة الذات

انتهز الفرصه

..فالعدد محدود

هناك 45 تعليقًا:

.:.-=- ELGaZaLy-=-.:. يقول...

مكتوب على ظهرى


..تصلح للاستخدام كصديقة


..ولا تصلح للحب

تعمل 12 ساعة متواصلة


..وتقضى 12 ساعة فى اكتئاب صامت
-----------------------------


قد اصدق معظم ما كتب ولكن عندما تقولين ان من يملك مشاعر كمشاعرك

لا يصلح للحب اذن فمن يصلح؟؟؟

لكل شئ اون للورد اوان ...للحب اوان

للصدق اوان حتى للخيانة اوان...

اتمنى ان ياتى اون ابتساتك ربما هذا هوا سيسعدنى اكثر من عرك الذى لا يقاوم

Amyra يقول...

ربما بالقليل من الأنانية يا نور تتغير الحروف

حتما ستتغير

أحبي نفسك و سيحبونك لا كصديقة فقط
:)

أخف دم يقول...

والله أنا كنت جاى الومك على الغياب عننا الفترة دى بس البوست عجبنى جدا فأجلت العتاب .. اعتبرى انى معتبتكيش بقى ..
بجد البوست رائع وحلوة الفكرة
تحياتى

غير معرف يقول...

هههههههههه حلوة

غير معرف يقول...

بصراحة ما توقعت تفكيرك يوصل لهيك مرحلة واضح انه اخر مقابلة مش انا لحالي كنت ساكت لا انتي كمان كنتي ساكته بدون ما اعرف

محمد مصطفى يقول...

نور رغم جلد الذات اللي بيشع من الكلمات الا انها بجد حساسة جدا و مؤثرة يمكن عشان جلد الذات ده

مكتوب على ظهرى


..تصلح للاستخدام كصديقة

مميتة الجملة دي
اتمنى ان اصدق انه مجرد بوست من الخيال

Theo يقول...

Hi nora,

It was nice talking with you yesterday. It was to long since we talked.
friends like you are rare.

And there was one thing i understood of your blog today, the youtube video ;-)

Be God's

Reemo يقول...

يمكن علشان بتحبيهم أكتر من نفسك
ويمكن علشان اتعودتى تفضليهم على نفسك
وتسمعى وتقولى اللى يريحهم
قولى اللى يريحك انتى
وحبى نفسك اكتر منهم
هتلاقى الحال بقى غير الحال
مش لازم نكون أصدقاء فى كل وقت
لاننا كتير بنكون محتاجين نكون احباء
مش بس اصدقاء
محبتى
:)

غير معرف يقول...

لو انك لا تصلحين للحب فلا احد آخر يصلح
سوف تقابلين يوما من يقدرك حق تقديرك ورغم اننى لا اعرفك شخصيا ولكنك تبدين مثلى فى اشياء كثيرة
احييك

واحد يقول...

اللعنة

تــسنيـم يقول...

الله يخرب بيت الدماغ العالية.. ايييه دي يا بنتي يخرب شيطانك أنتي أكتر من رائعة ولو وصفك ده حقيقي وغير مبالغ فيع يبقى انتي نسيتي تتكلمي عن الجناحين اللي في ضهرك يا ملاك.


قبلاتي

Yassmina يقول...

:(
ليه المود الوحش ده
انا مش اعرفك قوي
بس كل بوستاتك الجميله الي قريتها
تخليني ابقى واثقه انو حد جميل زيك مش يعرف يحب
خليكي كويسه بقى

Feras othman يقول...

قد لا أخفيكم سرا ًأحبتي بأنني أقول وداعاً..........وتتلألأ الدمعة في محجر العين و أنا أخط كلمات الوداع كلما قرأت كلمة ً من كلماتكم الحبيبة فقد صرتم لي أهلي و أصدقائي و مدوناتكم هي ديوان التقائنا و كأننا نجلس و نتسامر هنا و نرفع عن كاهلنا عبءً ثقيلا بوجودنا معا و حكاياتنا أشعارنا أقوالنا خواطرنا تجمعنا و تقربنا
وداعا ً أحبتي

LAMIA MAHMOUD يقول...

مكتوب على قلبي مرفوع من الخدمة ,, وهذا ما يجعل الحب يضحك

مش عارفة ليه يا بنتي افتكرت الجملة دي وانا بقرا مع اني مش فاكرة اصلا كنت قريتها لمين ولا فين ولا امتى

بس مش عارف .. حلوة اوي يا معلم

شيمـــــاء يقول...

يخرب بيت تعليم البنات و الدماغ ال متظبطة
بجد روعةةةةةة
اول مرة ادخل عندك و اتمزجت جدا جدا

تحفة يا بنت الايه

ذو النون المصري يقول...

ممتاز جدا
طبعا انا هاعتبر ان الكلام مجرد خيال لانه واضح جدا انه تعبير عن حاله نفسيه مؤقته و لا علاقة له بالواقع
المهم
ان هذه الحياه تعيشها الكثير جدا من التعيسات في مجتمعات الغرب خاصه و بدات تصيب مجتمعنا لاسباب مختلفه
نامل ان هذه الحياه تغرب عن حياة كل انسان

moony يقول...

انا ابادر بالحجز بسرعة .. مستعدة لدفع كامل التكاليف .. وماسأدفعة ثمين بحق .. لطالما تعودت على دفعة باسرااااااااااف
.. ومستعدة باخلاص لتحمل ال 12 ساعة اكتئاب الاخرى وتحمل مسئولية تحوليهم لشئ او اشياء اخرى كثييييييييرة محببة جدا الى النفس.. مستعدة لابادلك الدور الذى تعودتى القيام به .. ربما لأن هذا هو افضل ما اجيده..

nyira_elsheiref يقول...

حلوه اوى
وجعتنى بجد
لكن الحب احيانا يكون كالمرض وكالابتلاء إذا لم يأتى فى موضعه الصحيح، ولكنه ايضا كالقدر لا نختاره هو يأتى بغتة ولا نستطيع اختيار الموضع الصحيح له

husam shady يقول...

جميل
بيفكرنى بناس أعرفهم
مش لوحدك كده فيه كتير كده
تحياتى

Alaa يقول...

محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

Unknown يقول...

بجد تحفة معبرة

Blank-Socrate يقول...

نورا كلنا محتاجين ان يكون لينا اصدقاء
لكن فى نفس الوقت لو

تمضى مع اخر ساعة فى ساعات العمل
..و تتركها لساعات الاكتئاب
..وحدها

هذا ليس بصديق لو لم يعلم ما بداخلك

اخيرا كما ارى هذا الشخص يحتاج لكى و لكنه ليس بصديق

عزيزتى الاحتياج المعنوى مؤلم و لكن افضل من الحياة فى عالم اللاشعور اشعر بك

Mony The Angel يقول...

enty 3arfa ana shoft al post da mn abl mat7oty feeh al song :)
bas kont ayameeha lsa bamte7en w mainfa3sh a-comment 7'ales :(((
bas wallahy kont metab3a kol postatek ally abl kda kollahaaa w ha-comment 3aleeha now ;)

about al post b2a
hwa al wa7ed momken ye-comment y2ool eh...
aslan fekret al post 3abqareia
maktoob 3ala dahry
bgad gamda awe

about alkalam b2a...

"
او ربما تسمح لنفسها بسماع اغنية
she..
على سبيل معاقبة الذات"

w leeh bas t3aqeb zatha heia zambaha eh msh da ally maktoob 3ala dahraha!!

wa7ashteeny :))

انحلت سيور العربه وسقط المهر من الاعياء يقول...

هااااااااااى نور

والله من زما ن وحشا نى ووحشنى كلا مك الاوفر بس على فكره متابعك من بعيد
على العموم البوست ده ابن كلب بصر احه ملقيتش تعبير للبوست اروع من كده
لا ن الحا له اللى انتى ذكر تيه بقت حا له عا مه
مكتوب على ظهر ى
تصلح للاستخدا م كصديقه
ولا تصلح للحب
والعكس صحيح
يصلح كصديق واخ
ولا يصلح كحبيب
هم يحبوا بعض واحنا نا كل فى نفسنا ونحللهم مشا كلهم
اجيك على البوست
سلا م
متفهميش ابن كلب غلط
انا لما اعمل حا جه جا مده اقو ل عليها بنت كلب انحدا ر ثقا فى لفظى فرضته عليها البر جو ازيه المتسلقه المتعفنه

We2am يقول...

esh6a esh6a..kolna bnmor bmr7let ktaba 3aldahr msh 3al wesh :)

rokaaa يقول...

no love

buffy يقول...

:)))))))))))))))kolna kda ya o5ty mnty 3arfa t2rebn bndehom akbr mn 7gmohom 3arfa lw tnshtehom msh ht7sy bkda welad we bnat

غير معرف يقول...

i dunno to say any word
bt
i can say that
GOD with you
salam

elkamhawi يقول...

تحفة جداً

مكتوب على ظهورنا جميعاً منتهين الصلاحية

الخيط الرفيع يقول...

اتناشر ساعه اكتئاب وجبة يومية ليه وفي صالح مين قليلي كل يوم ربع ساعة أكيد هيكون قريب اليوم العالمي للقضاء علي الاكتئاب في حياتك
تحياتي وانتي الخسران الوحيد من هذا الشبح المجوف الجثة دا
تحياتي لقلمك

dead man يقول...

يبدو أن هذه العبارة مكتوبة علي ظهور الكثير

Haitham Abu Akrab يقول...

كنت بقول انك
مجنونه
بس اهو الحمد
اثبتيلي ده
..
.
.
.
بس بيني وبينك هايله
ايقي زوريني انا جيت تاني

غير معرف يقول...

سيبك من الحاجات دى دلوقت كل شئ ليه وقته

Hassan Laithy يقول...

أنت بتكتبى كويس جداً .. لكنك صريحة قوى لدرجة ممكن تؤلم
بس عارفه واضح إنك إنسانة جميلة وأكيد بكرة أحسن فغداً يوم جديد

freedom يقول...

just want to say
join us

www.zmshe.com

el kazzafi يقول...

http://aglocohits.blogspot.com/

karakib يقول...

miss u ya nora bi gad

We2am يقول...

enty fenek b2a..wa7shteny awe..matege ya to7fa..3arfa 2d eh b2alk kter awe matsltesh bya :(

~ Bato0ot ~ يقول...

zay ma nas kteer 2altlek law enty matslo7ish lel 7ob.. meen yaslo7??
atmna ykon da wasf khyaly .. atmna enek matkonish fe3ln mokt2ba keda .. enty sadeka w 7abeba w shakhsya gamila gedan bgd

من القلب يقول...

دى اول زيارة ليا لمدونتك
لو انا انانية هتمنى تكونى الصديقة دى ليا و هانتهز الفرصة
و لو انا انت هفكر كويس قبل ما اشيل على ضهرى الكلمة دى ، اقدر اكون صديقة لكن مقدرش امنع قلبى من الحب

احساسى من كلامك مخلينى عايزة اخدك فى حضنى و اقولك عيشى و استمتعى بحياتك انتى .. كونى انانية شوية علشان مش تضيعى من نفسك من غير ما تحسى

هاجيلك تانى ..
تحياتى

Mony The Angel يقول...

eh yabenty
enty feen
btsaiefy walla eh :D
tab msh konty t2ooly ;)

nour يقول...

لكل الناااس اللى شرفونى و نورونى و كتبولى كل الكلام الرائع ده؟؟
انا مبسوطة جدا و مش عارفه اقول ايه
كان نفسى ارد على كل واحد لوحده بس مش قادرة
بس انا احسن الحمد لله
ربنا يخليكوا ليا

سابرينا يقول...

وتصلح
لأن تكون
the best
لأنها ببساطه!!!!
ONE OF A KIND!!!!!!

kafrawy يقول...

لية كدة يانور
احساس بالتشاؤم دة ؟
بس انتى عارفة الكلمات دى اثرت فيا اوى
لان حسيت بنفس الاحساس دة و يمكن من قبلك؟
بس انتى قدرتى تعبرى بالكلمات
الرقيقة و الجميلة دى

بصراحة

انتى قلتى اللى انا كنت عايز اقولة

تحياتى

monBYH يقول...

ومكتوب علي ظهورهم ..
لا يصلحون لاي الشيء..

..تصلح للاستخدام كصديقة

تحياتي..

Related Posts Plugin for WordPress, Blogger...