الأربعاء، يونيو 25، 2008

كيف نخلي الحب يدوم ؟






يا ترى لو سألنا حالنا اديش في ناس بتعيش الحب
اكييد حنلاقي كتير بس مش هون السؤال؟
السؤال الأهم اديش بستمر هالحب ؟
للأسف ما بستمر كتير عند اغلب الناس
هاي بعض النصايح الي ممكن تخلي الحب الصادق يدووم :)
--------------------------------------
الثقة
من اهم الاشياء يلي لازم تكون موجوده عند الطرفين هي الثقة
بحيث تكون الثقة عمياء عشان تقدر تتحمل اي مشاكل او شكوك
ممكن تصير بالمستقبل ..


الاحترام المتبادل
كتير بلاحظ شباب وبنات لما بحبو بعض بكسرو كل حواجز الاحترام
وممكن يصيرو يسبو ويشتمو بعض تحت شعار هو حبيبي او هي حبيبتي
هالشي بأثر كتير بالمستقبل ع العلاقة بحيث بقلل من مستوى
اقتناعهم ببعض وواحد منهم ع الاقل
بصير يحس انو اعلى مستوى من التاني
وبالتالي فهو اجدر بشخص تاني

كسر الروتين
كسر الروتين مسألة مهمة كمان لانو بعد فترة من الحب
ممكن يقل الحب ويصير مجرد روتين يومي!!
فلازم نتعود دايما ع كسر الروتين من خلال تغير تصرفاتنا مع الحبيب
لتصرفات مختلفة وتكون بنفس الروعة
مثلا تغير المواضيع الي بنحكي فيها
تغير من اسلوب الحوار مش كلو حب
ولا كلو جدي ولا كلو ضحك ولا كلو نكد!
تغير الاماكن الي بنروح عليها
تغير المواعيد الي بنحكي فيها


التـقـل
بعتبر التـقـل من اهم الاشياء الي بتحافظ ع درجة الحب عند الطرفين
اذا ما استخدمناه بطريقة سليمة
بجوز بعض الناس بتقول شو تقل !!
الحب مفروض يكون من القلب وما يكون فيه تقل
كلامكم صحيح بس التقل بنظم طلوع كلامنا من القلب
عشان ما يصير نزيف كلامي ينتهى بموت الحب في احد الطرفين!
اما طريقة التقل فبتكون عن طريق التقليل من الكلمات الحلوة المستخدمة دائما
متل حبيبي ، حبيبتي ، حياتي ، قلبي اسم الدلع...الخ
لانو كترتها بتحولها لمجرد كلمات اتعودنا نقولها و نسمعها
من دون ما نحس فيها
فكترة الشيء كعدمه
اما استخدام الكلمات بين فترة وفترة بعمل تأثير رووعة
وخاصة انو بكون طالع من القلـب بعد صمت
التقل بالسؤال بس ما يوصل للتطنيش (التنفيض)
يعني مش ضروري السؤال كل ساعة ع الي بتحبو !!!!
خففو شوي خلو الطرف التاني يعرف يحس وياخذ رده فعل ويشتاق!!
ما بكون التقل دائما يعني فترة هيك وفترة هيك
عشان ما يتحول التقل لعدم مبالاه !!


التزام الحدود
كتير من العلاقات الي بتنتهي بسبب انتهاء المطلوب من العلاقة !!
من الاخر يعني الاتنين زهقو خلص اخذو كل شي !
انتهت الحدود بينهم قبل ما يرتبطو رسمياً
واحتمال اختارو اسامي اولادهم !!
عشان هيك لازم الانسان يحاول دايما يحافظ ع حدود المرحلة الي عايشها
وما يتخطاها الا في المرحلة التاليه
عشان ما يتفاجأ انو خلص كل الحدود في مرحلة ما قبل الخطوبة مثلاً !!
ونتج عن هالشي انفصال
او لربما تزوجو وعاشو عيشة تعيسة !
ويصيرو الناس يقولو اغلب الزواج المبني ع الحب بكون فاشل




تجديد العلاقة وتنشيطها
كل فترة لازم الشريكين يجدوو العلاقة بينهم
بحيث يعترفو لبعض من جديد بمشاعر حبهم
ويستعيدو البدايات الحلوة ويحاولو يعيشوها كمان مرة
يستخدمو اساليب جديدة للتعبير عن مشاعرهم
بالورود والبطاقات والهدايا والرسائل مثلاً


الصدق

الحب بدون صدق ما بمشي ببساطة
لانو الحب بحتاج قاعدة قوية والصدق قاعدة قويـة بتجنبنا كتير مشاكل


اشتراك الطرفين بحل المشاكل
الا ما تصير بين الشريكين مشاكل بين فترة والتانية
هالمشاكل ممكن تكون شي مفيد
لو استغليناها بانو نجدد فيها العلاقة بالرجوع خطوة ورا والتقدم مرة اخرى
اهم شي بحل المشاكل
اشتراك الشريكين بحل المشكلة
وعدم محاولة ادخال اي شخص اخر مهما كان قربه
استماع كل طرف للأخـر ومحاولة تفهم موقفه
تجنب العناد
ان يكون هدف النقاش هو حل المشكلة لا اظهار من منهم المخطأ
الاعتراف الصريح بالخطأ
مش عيب الواحد يغلط ! ما كلنا بشر وكلنا بنغلط


الحذر من الغيرة
وجود الغيرة شي حلو لكن لما يزيد عن حدو بصير مشكلة كبيرة
ممكن بكل بساطة حب كبير يتحول ل لا شيء بسبب الغيرة

لانو الغيرة بتكون متل السجن الي بحاصر الانسان
كل ما زادت بكبر السجن وبزيد اختناق الانسان
ومن السهل جداً انو الغيرة تتحول للشك
والشك يعني عدم الثقة وعدم الثقة يعني الله يرحم الحب


الاعتراف بالمشاعر
كتير من الاحيان بكون اتنين بحبو بعض .. واحد منهم بعبر عن مشاعره دايما
والتاني دايما ساكت !!
المفروض كل واحد فيهم يعبر عن الشي الي حاسس فيه دون انتظار المقابل
وبنفس الوقت ما يتقل كتيير يكون متوازن
لانو اكيد الاتنين محتاجين لهال المشاعر .. هاي طبيعية انسانية


أساس الحب
كمان فيه شغلة مهمة باستمرار الحب
وهي معرفه اساس الحب وعشو مبني
يا ترى ع الشكل ام التفكير او الدين
ولكل نوع تأثيره ع استمرار الحب ودوامه


عيش حياتك طبيعي
هالنقطة الاخيرة مهمة جداً كمان
بحيث انو كتير من الناس اول ما بيجي الحب بنعزلو عن العالم
وبنقطعو ع الدنيا كلها !!!
وبتوقف كل نشاطاتهم وبصير ما في شي بحياتهم الا الحب
وطبعا هالشي غلط بعد فترة بنتج عنه ملل وزهق !!
من الواجب انو الانسان يعطي اهتمام للي بحبو بس
الي بدي اقولـه انو الحــب انوجد ليكمل حياة الانسـان
مـا انوجد ليعزل الانـسان عن حيـاته !

----------------------------------

في النهاية طبعاً ضل في نقاط عديدة ما حبيت اطرق الها
لعدم اطالة البوست اكتر من هيك متل
النظر الى مستقبل العلاقة
واختيار الشخص المناسب
والتضحـية الي ممكن ندرجها تحت نقطة الحب الصادق
بتمنى اكون افدتكم ولو بمعلومة
وبعتذر عن الاطالة بهالبوست

تـحيــاتي


3asef

هناك 7 تعليقات:

غير معرف يقول...

kteer 7elw ya 3asef ely enta katbo m3 en fe ba3d no2t motshabha ...y3ny masln tagdeed el 3laka w tansheetha heya nafsha kasr el rotine...bs bgd 7elw awy.. fe 7aga kman bs kont 3ayza adeefha...en ay etnen mortabteen mafrood ybso l2odam msh bs enohom 3ayshen 3laka 7elwa w 5las lazem (el tafkeer fel most2bl)3shan y3rfo homa ray7een 3la feen....3ayza adeef 7aga kman ( el 3nd ) byb2a w7sh awy lma byt5l2 been etneen lazem kol wa7ed yegy 3la nafso shwyya w howa moktan3 en da msh hay2lel mn kramto 3shan el mawdo3 ystamer :)msh lazem ntshbes bra2yna lazem nkon more flexible(el tad7yya mn agl el tarf tany) 7aga mohema bardo ...el 7yah asln msh na2sa

غير معرف يقول...

ana toty ely kant katba el klam ely fat da 3la fekra ana nseet aktb esmy 3shan ana msh 3ndy account..bs bgd el mawdo3 shadny :) and go on ya 3asooof

Mony The Angel يقول...

a5eran post gdeed :/

lazem alzol da ya3ny :/

bas eh alkalam da ya 3asef ;)

msh metamena bas ok lol

i'm totally agree with all u said :)

almost f kol alno2at :D

3andak 7a2 gedan :)

Oma يقول...

eeh b2aaa :D

makontsh a3rf en kol da kan fe dmaa3'k

any way edeny el magal ha2ra tany brw2aaan 3shan lesa sa7ya w harod tany bas ana madet 7odor henaa :))

Oma يقول...

التزام الحدود
كتير من العلاقات الي بتنتهي بسبب انتهاء المطلوب من العلاقة !!
من الاخر يعني الاتنين زهقو خلص اخذو كل شي !
انتهت الحدود بينهم قبل ما يرتبطو رسمياً
واحتمال اختارو اسامي اولادهم !!
عشان هيك لازم الانسان يحاول دايما يحافظ ع حدود المرحلة الي عايشها
وما يتخطاها الا في المرحلة التاليه
عشان ما يتفاجأ انو خلص كل الحدود في مرحلة ما قبل الخطوبة مثلاً !!
ونتج عن هالشي انفصال
او لربما تزوجو وعاشو عيشة تعيسة !
ويصيرو الناس يقولو اغلب الزواج المبني ع الحب بكون فاشل

tasawr awel mra a5od baly mn el mawdo3 da...enta klamk sa7 awy fe elgoz2 da
w fe elagza2 el tania kmaan


w mawdo3 kasr e lroten da kman mohem awy w lma t2ol le7ad keda ye2olk bala habl bas fe3lan elta3'eyr bey3ml refresh


bas fe 7aga kmaan...el 2amana...eno kol taraf yekon amen m3 el tany fe kol klamo w kolo tsarfato ..yekon amen 3aleh..ya3ni ma a5afsh 3la nfsy w ana ms3 el sha5s elly ba7ebo..fahemny ?

w i think eno el bo3d w law yom bey7sssk be2emt el sha5s elly bt7bo..la2n el ensan btb3o msh bey7es be2emt el she2 3'er lma yeb3d 3ano showaya..

bas psot gamed ya 3asef
ya men b2a yetab2 el klam da ya basha :D kant el 7aya hatkon peace awy

buffy يقول...

klamak 3bny gdn 3la fekra

غير معرف يقول...

كتير حلوو وشكرا لألك
و لو طولت بالبوست اكتر عادي لأنو الموضوع مهم
وفيه معلومات كتير مو الكل بيعرفها
وانا استفدت كتير
الله يوفقك

Related Posts Plugin for WordPress, Blogger...