الثلاثاء، يوليو 22، 2008


هذه لحظه التوقف..اتوقف قليلا لاعيد حساباتى ..لاعيد ادراك ماهية الاشياء و البشر من حولى..لاحذف اشخاصا و اضيف اشخاص..لادرك اهميه اشياء لم ادرك اهميتها من قبل..لازداد عشقا لهذا و مقتا لذاك..لاعترف لنفسى بأنى لم اعش حتى الآن الحياة التى اتمناها..لادرك ان منير هو فعلا مطربى المفضل..و ان انغام تستطيع اخراجى من حالة اكتئاب بمجرد ان تقول اشكى لمين..بأن فيلم لاحمد حلمى و ايس كريم فى الكافيه على خلفية عازفين الجيتار اللى فيها ممكن يخرجنى من اسوأحاله مررت بها حتى الآن..من ان ابداعى الشخصى ربما لا يفهمه البعض..و انى احسن من ان اكون حقيقية..من ان الصداقه الحقيقيه لا تتبدل..و لا يتغير تعريفها..و لا تضيع برساله موبايل..بأن صاحبك الحقيقى بيبان فى موقف فعلا و ساعتها بتدرك مدى غبائك لما صدقت اللى اتقال عليه قبل كده..بأن الواحد ممكن يستنى خمس سنين فى كليه مش بيحبها عشان يدرس فى الاخر فى كليه بيحبها..و ان مش معنى انى مش لابسه حجاب يعنى انا مش كويسه..من ان حبك الآبدى صعب النسيان..و ان الشخص اللى بيحتل تاريخك و عالمك هيفضل ملازمك للابد..لاداعى للنسيان اذا..خبأه فى اعمق نقطه فى قلبك و اتركه هناك..و عندما تلقاه صدفه..او يأتى اليك صوته فى الهاتف..فليتوقف قلبك عن الارتعاش..و تحدث بصيغه عاديه..حتى لو كنت تعرف انه يعرف انك تحبه ..استرجع ملامحه فى ذهنك..و مرر يديك على كتاباته التى كتبها لك فى يوم من الايام..و احلم بلقاه صدفة فى يوم من الايام..هذا كل ما يمكنك عمله..استرجع حياتى الطبيعيه و اغلق ملفاتى القديمه..اعود لاعشق منير و اسمع انغام..و اخلع حجاب المناسبات الذى ارتديته..اعود لاصبح وحدى..اعود لسجائرى و اصدقائى و ظلمتى و طقوسى..للقهوة التى يحذرنى منها الطبيب..و لشركة موبينيل التى احبها..بعد ان جثمت فودافون على قلبى شهرين..اعود لاشخاصى الذين يناسبوننى و اناسبهم..هذا كل شىء..

هناك 6 تعليقات:

Marwa Friday يقول...

ياااه يا نور الدنيا دي غريبة بشكل!.. مش عارفة أقول لك إيه؟.. أنا نفسي ما عدتش باحذف أشخاص من قائمة حياتي.. هم اللي بيقعوا لوحدهم أوتوماتيك!- ودي ميزة أكيد!- تعرفي فكرتيني بجملة لعبلة كامل(علية) كانت بتقولها لعبد الحليم في مسلسل العندليب "اللي بنحبه النهاردة وأول ما تشوفه قلبك يتنطط من الفرحة.. تمر الأيام وتقابله ولا شعرة تتحرك فيك!".. ما فيش حاجة ثابتة.. ويمكن ده اللي بيعطي للحياة طعم.. أحياناً بنعتقد في البدايات انه مُر.. لكن بعد كده بنكتشف إن الخيار ده أرحم بكتير من أن تكون حياتنا بلا أي طعم!.. ربنا يريح بالك ويسعدك يا نور

3aSef يقول...

هذه لحظه التوقف..اتوقف قليلا لاعيد حساباتى ..لاعيد ادراك ماهية الاشياء و البشر من حولى..لاحذف اشخاصا و اضيف اشخاص..لادرك اهميه اشياء لم ادرك اهميتها من قبل..لازداد عشقا لهذا و مقتا لذاك..
-----------------------
وذلك ايضـاً ما افعـله ولكـن دون ان اضيـف احداً

Feras othman يقول...

my dear noura ....

wlahe i miss you and i do miss your writtings ,, i do miss myself though ... what to do this is life nothing is stable everything changes... but most of all as what u said who is in the heart remains in the heart like the wounderfull bloggers and readers i know like you and even if we stopped for a while but with a small smile we can be back and write and think and love ..

greetings my dear

miss u 3la fekra

Feras othman يقول...

ah i forgpt to say that the comment of this post is ;)

each one of us need to stand on a high mountain and watch his life how is it going from time to time and take a deep breath and make the action that may satisfy him or her and neutralise the powers around,
i love angham 3la fekra and i was listening to her today ,..nice coensidence ha !
cheers

Mr_Karimo يقول...

مبروووك التفرغ ... كل ما اسأل فين جديدك يقولولولي انك مشغولة في مشروع التخرج .... يللا سوق البطالة زاد واحد ههههههههههه

الله يا نور بجد انتي فنانة ... انا اكتر حاجة بحبها في كتاباتك انها بتطلعني من مود الاكتئاب اللي بتعملهولنال البلد ... بجد كتاباتك سحر والله مش مجاملة انا لساني ما يطاوعنيش على المجاملة وانتي عارفة ... يسلنلنا قلمك ودماغك

Mony The Angel يقول...

:))

Related Posts Plugin for WordPress, Blogger...