كل سنة و انت طيب يا عصووووف

ايه؟عاصم؟؟-

عااصم ايه؟؟عاااااصفففف-

بالفاااء

عااصف؟؟؟ايه عاصف ده اسمك؟؟-

!!!شو يعنى ايه اسمك؟؟-

آآآه انت مش مصرى!!انت منين بقى يا استاذ عاصففف-

من فلسطين-

بجد؟؟ احسن ناس يا معلم

و بما ان عاصف كان شايل فى ايده كتاب فكان طبيعى انى انتزعه من ايده و اتفرج عليه

ده كتاب ايه ده؟..ذاكرة الجسد..احلام مستاغنمى!!!مين دى؟

دى كاتبة جزائريه فظيييعه..لازم تقريها هتعجبك..الشعر اللى انتى وريتهونى من شويه بتاعك قريب لاسلوبها-

فعلا؟؟-

كان مكتوب على الكتاب من الضهر كلمة كاتبها نزار قبانى للكتاب بيقول فيها ان احلام تكتبه فى هذه الروايه طبعا و لمن لا يعلم نزار قبانى نقطة ضعفى...فكان طبيعى آخد الكتاب من عاصف ..و هو كمان اخد مختارات امل دنقل اللى كان معايا

..كان ممكن معرفتى بعاصف بالصدفه تكون معرفه عابرة و متستمرش..بس انا دايما اقول اللى جمعنا كتاب احلام مستغانمى و ديوان امل دنقل..و بوفيه محطه مصر..اللى فضلنا قاعدين مستنيين فيه القطر بتاعى لما يوصل لان علشان عاصف من اكتر الاشخاص اللى عرفتهم فى تاريخى عنده ذوق و اخلاق عاليه وصلنى طبعا لحد محطه مصر و فضل مستنى معايا ساعه و نص لحد ما القطر ما مشى..و الساعه و نص دول كنا تقريبا تبادلنا تاريخى و تاريخه بالكامل و حكيتله حاجات اصحابى المقربين ميعرفوهاش..و هو كمان

طبعا مش محتاجة اقولكم ان انا و عاصف بيقينا اصدقاء مقربين جداا..ممكن يكون اكتر صديق مقرب ليا دلوقت..عاصف نسختى الاخرى الاكثر هدوءا و رزانة و احترام يعنى هو اللى بيقلل من جنونى شويه مع انه مجنون بس يطريقته العاقله:))

عاصف يوم 204 عيد ميلادك اللى هو بكرة

مكنتش عارفه اقولك ايه..بس حسيت ان لو حكيت عن اول مرة شفتك فيها تكون حاجة لطيفة و ترسم ابتسامه على وشك

عاصف ممكن ساعات حصل بينا سوء تفاهم زى سوء التفاهم الاخير بس و الله العظيم عمر ما ثقتى فيك قلت و لا غلاوتك عندى

انا حبيت اكتب عنك و بالعاميه بدل ما اكتبلك شعر و لا خاطرة علشان انا شايفه ان كده اصدق

كل سنه و انت طيب يا عصوووف كملت 21 سنه و كبرت فى السن يا معلم:)))يا رب العمر كله

عاصف جابلى قبل كده اكل شامى معمولى مخصوص من فلسطين بايدين الست والدته العزيزة و جابلى كمان رمل من فلسطين بناء على طلبى يعنى..يصراحة انا مش عارفه اجيبله ايه..

اقترحوا عليا

عاصف انا مبعرفش اعمل زى ما نت عملتلى الصور و الحركات انت عارف انى فاشلة فى الموضوع ده لو عايز تضبط لنفسك الصور ضيط يعنى هى الصورة دى اللى عرفت احطها:))

بس برضه مش هرجعلك كتاب احلام مستغانمى دلوقت:))))))