الصفحات

الأحد، مايو 13، 2007


امسكت القلم الموضوع على دفتر المعرض و كتبت..احبك حب القوافل واحة عشب و ماء..كان شعرمحمود درويش يطاردنى كلما رأيتك..كلما ذكرتك..فكان من الطبيعى ان اتركه فى دفترك ..كان الامر قد اصبح مؤكدا..تورطت فى علاقة عشقية مع تفاصيل رجل لا اعرفه اراه بالكاد و هو يحادث اخر..البيريه و الغليون ..تفاصيلك التى تنحفر فى عقلى..تشعر فيما يبدو بنظراتى على ظهرك..فتستدير متسائلا لكنى اكون قد ذهبت

***************

يصيبنى صوت ام كلثوم بالحزن..ربما حين يختلط بضوضاء الشارع..وضحكات الناس....يأتى من بعيد غير واضح الكلمات الا انه دائما ما يجعل العبرات تحتشد فى عينى..بشكل ما لا يصيبنى بكل هذا عندما اسمعه فى مكان مغلق..خلق صوت ام كلثوم ليسمع فى الزحام او على المقهى او فى طريق السفر..يجب ان يكتبوا هذا فى كيفية الاستماع على ظهر الشريط

**************

فى المكتبة..صعدت للطابق الثانى ابحث عن كتاب لا اذكره..سمعت صوتك بجوارى يسأل..كنت سايب كتاب دافنشى هنا..الان اشم عطرك بجوارى..سألتنى..ما شوفتيهوش؟؟اصبح حلقى الان جافا و الوضع يحتم على ان ارد..مددت يدى المرتعشه اقلب فى الكتب ثم قلت..لا فى كتاب مايكل انجلو بس ينفع؟؟رددت ضاحكا لا طبعا..قلت ليه فى بينهم عامل مشترك ..نظرت متسائلا فقلت..فى النينجا ترتلز..ليوناردو و مايكل انجلو..احسست بسخافه الرد فابتعدت مسرعه قبل ان ارى التعبير المرسوم على وجهك

**************

كل صباح اتوجه لمحطة طنطا للذهاب الى القاهرة ..اقف امام شباك التذاكر ادعو الله ان اجد حجزا فى قطار السادسة صباحا..وقفت امام الشباك..كان الموظف يسأل بصيغة اعتيادية..6 القاهرة؟..صمت لحظه ثم قلت..لأ 6 اسكندريه لو سمحت

***************

اعود الى المعرض مرة اخرى..كان خاليا بعد زحام الافتتاح..فتحت الدفتر..صدمتنى علامه استفهام كبيرة تحت جملتى التى كتبتها..فكرت فى ترك امضاء ثم تراجعت..كتبت..متى تفهم؟..متى يا سيدى تفهم
استدرت فجأة لاراك واقفا خلفى تبتسم..امسكت الدفتر .. نظرت اليه لحظه ثم قلت..بس ده نزار مش درويش..رددت بس فى ما بينهم عامل مشترك..نظرت متسائلا ثم قلت مبتسما..فى النينجا ترتلز برضه؟؟

نظرت الى اعماق عينيك و قلت..فى حبك

نظرت لى و لم ترد.

.كنت اتمنى ان ترد و لكنى للاسف

كنت اعرف السبب

***********

لم اكن يوما احب الاسكندرية..كان هذا امرا يصيب اصدقائى بالذهول..هو فى حد مبيحبش اسكندرية؟؟اليوم و انا امام البحر عرفت السبب..كنت اكتب اسمى على الرمال بعصا صغيرة وجدتها هناك..ثم توقفت..لم استطع ان اكتب اسمك الى جواره..عرفت السبب الان؟؟..الاسكندرية تذكرنى بما لا يجب ان اتذكره

***********

كأنى طاف بى ركب الليالى يحدث عنك فى الدنيا و عنى

..على انى اغالط فيك سمعى

..و تبصر فيك غير الشك عينى

************

بعد الامتحان اقف امام مبنى الديكور حيث انتمى..امامى يقبع مبنى النحت..اعرف انى سأراك امامه كالعادة..نظرت اليك لأجدك تدير عينيك عنى مرتبكا..نظرت الى فلم احول نظرى عنك..علامات الدهشة لمعت لحظه فى عينيك ثم ابتسمت

قررت ان اذهب و اعطيك قصتك التى كتبتها..فى نفس لحظه مرور الطلبه الخارجين من امتحاناتهم بيننا..و عندما ذهبوا كنت انت قد اختفيت

*************

احبك حب القوافل واحة عشب و ماء

مع احتماليه كون الواحة مجرد سراب



هناك 20 تعليقًا:

  1. يصيبنى صوت ام كلثوم بالحزن..ربما حين يختلط بضوضاء الشارع..وضحكات الناس....يأتى من بعيد غير واضح الكلمات الا انه دائما ما يجعل العبرات تحتشد فى عينى..بشكل ما لا يصيبنى بكل هذا عندما اسمعه فى مكان مغلق..خلق صوت ام كلثوم ليسمع فى الزحام او على المقهى او فى طريق السفر..يجب ان يكتبوا هذا فى كيفية الاستماع على ظهر الشريط
    ------------------------
    احبك حب القوافل واحة عشب و ماء
    مع احتماليه كون الواحة مجرد سراب
    ---------------------------
    رهيبة بجد
    واخذتنى كلماتك بين السطور بشكل جميل للغاية

    تحياتى اليك

    ردحذف
  2. معلش
    المره دى ماكنتش إزازة فودكا
    دى كانت إزازة تكيلا معتقه
    انا دلوقتى عمال اتطوح شمال و يمين
    مش عراف اكتب اى حاااااااااااااااااااجه
    منك لله يا بعيده

    ردحذف
  3. الله الله ما أجمل هذه التدوينه يا نورا ...مر زمن لم أقرأ تدوينه و أعيد قرائتها كهذه ....أبدعتي في و صف المشاعر و الأحاسيس لكن الغريب في الأمر أنك لم تذكري لي شيئاً عن ذلك في حديثنا أو عن ذاك الشخص :)

    ردحذف
  4. دائما ما يصاحب سمعاى لصوت ام كلثوم حاله اكتئاب ولا ادرى ما السبب؟؟
    اجمل ما قرأت من عاشقه
    وصفتى احساسيك بشكل بكلمات مناسبه تماما
    احييكى على التدوينه الرائعه
    تحياتى ومحبتى

    ردحذف
  5. طالما تسائلت عن مدى حدة النظرات لدرجة تجعلك تشعر بها على ظهرك
    _______________
    ربما يصيبها صوت ام كلثوم بالحزن لانه ياخذها الى مكان ترغبه .. ربمت هو الخوف من ان تفيق
    ____________
    لاتخجل من نفسك فالآخرون عندهم نفس الافكار السخيفة
    ___________
    اصبحت اعتقد ان الاسكندرية هي مكان الهروب الرسمي .. حتى تصبح هناك فتفر مما تأخذك هي اليه
    ______________
    خو لم يرد ولكنها تركت علامة .. بتلك الفكرة الطفولية البحتة هي تركت علامة
    _______
    هو ي حد مبيحبش اسكندرية؟؟!!
    _____________
    لماذا احسست ان الفقرة الاخيرة نتيجة لما قبلها.. مجرد سراب؟؟!!

    ردحذف
  6. نورا
    لازم نتكلم ضرورى
    بجد وحشتينى
    و طبعا مش هاقولك تانى عن تأضير كلامك فى مودى
    بحبك

    ردحذف
  7. حاولت أن أقول كلاما أوقع لكني لم أستطع غير أن أقول أنها جميلة بحق
    تحية من القلب

    ردحذف
  8. بجد والله روعة يا نور ..
    بسيطة جدا .. وكمان حلوة قوى النينجا ترتلز دى رغم خفة الدم اللى فيها بس حسيتها شاعرية جدا فى المكان ده ؟؟؟
    أسلوب راقى حساس جدا
    أنا مش باجامل وانا مبجاملش فى الأدب انت عارفة
    ربنا معاك يا نور .. ويقابلك المرة الجاية حتى لو باشعارى أنا حتى مش لازم محمود درويش ونزار يعنى
    تحياتى
    سلام

    ردحذف
  9. لعلها ..حكمة المحكوم بالإعدام..فلا أشياء تملكينها لتملكك..ثم ماتلبثين أن تقولي..تجبر ..فمهما يكن من جفاك..أحبك أكثر..وتصبح الحالة فيما بعدها..أأنت ياقلبي أنا؟؟
    هكذا تطالعك ذاتك -كدرويشية السمت- في كل حالة

    ردحذف
  10. It places fhoto of Madeleine in your bloggue


    Missing Madeleine!
    Madeleine, MeCann was abduted from Praia da Luz, Portugal on 03/03/07.

    If you have any information about her whereabouts, please contact Crimestoppers on 0800555111 Please Help

    ردحذف
  11. الا ختلاف فى الراى -حتما-يفسد للود قضيه
    .............
    هناك حتما اشياء تحدث خلف ظهورنا يجب ان نهتم بها
    ...............
    لا تستطيع امراه فى الستين من عمرها ان تحرك داخلى مشاعر الرجوله
    لذالك
    لا احبها
    ...............
    حينما تحبى تكونين اكثر سخافه
    .............
    من اعتاد على السفر
    اعتاد على الحزن
    ................
    حينما يحب يكون-ايضا- اكثر سخافه
    ................
    لو لم اكن مصريا لوددت ان اكون فرنسيا
    ..............
    اذا اردت ان تكون قويا فعليك اولا ان تدرك معنى القوة
    .........
    ولربما
    ياتيك يوما حبها
    يهواك
    يستجدى رضاك
    .............
    وكان عنيكى شوارع
    وكانى شوارعى

    ردحذف
  12. el ghazaaalyyyy
    ربنا يخليك اصلا انت فين من زمان واحشنا
    :))))
    منووووووووور

    we2aaaaam
    aked kher tab3an
    :)))))))))

    moody
    hehehehehehe
    ماشى يا معلم
    منووووووووووووور كالعاده

    feraaaaaaaaaaas
    لا اكيد هقولك بس هى مش حاجة ضخمه يعنى معظمها خيال
    لو بجد كانت الحياة تبقى احلى:))))))))))
    منووووووووووووووووووووور

    reemoo
    ازيييك منووووووورة كالعاده
    يا بنتى كلامك جميل زيك ربنا يخليكى

    لميااا
    يعنى الواحد يرد يقولك ايه
    تعليقك بوست لوحده
    :))))))))))
    منووورة

    هاااااجر
    انا موافقه جدا
    افضيلى انت بس شويه و نتكلم
    :)))منورة

    نبيذ
    ربنا يخليييك
    منوووووووووووووووور:)))

    مادو
    ربنا يخليييييييييييييك
    منووووور
    حلوين اوى الكلمتين دول
    :)))))))))))

    اخف دم
    ماشى يا استاذ اشرف ده كلمتين دول كفايه يا معلم:))))))))))
    منووووووووووووور

    ردحذف
  13. أحمد نداا
    طب اقولك ايه بس
    كلامك ما يتقلش عليه حاجة
    منووووووووووووووور كالعادة و دائما

    DAVID SANTOS
    THANKS FOR UR VISIT BUT I REALLY DUN KNOW ANY INFORMATION ABOUT THAT
    SORRY


    VETRINARY
    يا سلام يا دكتور محمد
    ربنا يخليك على الكلام الرائع
    ممكن انزله بوست:)))))))))))))
    منووور

    القمهاوى
    :)))))))))))
    ربنا يخليك بجد
    منووور دائما

    buffy
    ربنا يخليكى يا نهى يا عسل
    دايما رفعالى روحى المعنوية
    منوووورة
    ده بيتك اصلا:))))))))

    ردحذف
  14. أزال المؤلف هذا التعليق.

    ردحذف
  15. صباح الفل عليكى
    تجارة الادوية المغشوشة غرقت البلد
    على فكرة انتى تعرفى اربع دكاترة زى الورد واحنا خبرة فى الادوية هااا
    عشان متتخميش تانى
    فــــل
    اه نسيت اقولك لا هو اسمه محمود ولا ده محسن و لا ده اسمه محمد ولا انا اسمى ماهر

    ردحذف
  16. ana lsa fat7a bo2y till now :|||
    eh da bgad :|
    el post da awel mara ashoofo :|
    eh da ya noor
    ye7'reb 3a2lek fe3lan :||

    bashe3 awe bgad
    eh da!

    ktebt kalam w masa7to
    mainfa3sh a2ool haga :(

    ردحذف