مدونة دبكة ..

..فى عز البرد
..يوم ما انزل
..مع اول
شعاع للفجر
..ولا صاحب
يرافقنى
ودمعة فى عينى
محتارة
..بتتسائل
عشان تنزل
على خدى
..و دخانى
يهيم حواليا
يتجمد فى نفس الوقت
..و الاقى ضباب
وشبورة
..فاستنجد
بسيجارة
تدفينى
..الاقيها
عشان حظى
خلاص خلصت
و ارميها
و ارجع تانى وحديا
فلا صاحب يرافقنى
و حتى الدمعة فى عنيا
..خلاص جمدت
و اقول معلش
..انا لسه
فاضلى العمر
..ادور فيه
على نفسى
..على صاحب
..يونسنى
الاقى العمر بيشطب
..و انا لسه
بوحدة قلبى بتعذب
و من يومها
بشيل علبة سجاير كاملة
عشان لو واحدة يوم خلصت
الاقى التانية قد ولعت
..و دفتنى
..فى عز البرد