ذكرياتي بالتوجيهي .. الثانوية العامة

ايام التوجيهي ,,,, الحمد لله راحت هال الايام وعقبال عند الجميع

طبعا من قبل ما اتبلش التوجيهي

بدأو الناس يهللو قرب التوجيهي يا عااااااااااصف .... والي يقلي شد حيلك بدنا نشوف عاصف الي دايما كنا نعرفه .... ووحدة صحفيه صديقتي اول ما عرفت بقصة التوجيهي قالتلي بدي اشوف اسمك بالصفحة الاولى ...وصحابي ...بدنا اياك تجيب اكتر من بنت جيرانا فلانه المغروره وفلان وعلان

اوووووووووووووووووف

صارت حياتي كابوووس اسمه شد حيلك وبس وكأنو مستقبل هال الامه العربية كلها بإيدي....

اول ما بلش الداوم في التوجيهي بدينا ندرس

طبعا حضرتي متعود على التلفزيون والطلعة مع اصحابي

نزلت قرارات عليا من وزارة الداخليه بتنص على الآتي

ايماناً منا بأهميه المرحلة التي بتمر بها يا عاصف ودور هذه المرحلة في تحديد مستقبلك فقد تقرر الآتي

بإلغاء الطلعات الا يوم الخميس

و ما في تقدم برامج اطفال بالاذاعة

ونوم العصر ما في وووووووو اللائحة طويلة

باختصار يعني اقامه جبرية

بيني وبينكم احسن من الطلعة

لأنو الطلعة بالتوجيهي معناته بدك تسمع كلام الناس كمان مرة بنفس الاسطوانة شد حيلك ودراستك وهال الحكي الي ماله طعم شد حيلك وغيراتوو من الحكي الي اتشبعت اوداني من كتر ما سمعته

التلفزيون

اما قصة التلفزيون فأول ما بقعد على الكنبه عشان اتفرج على التلفزيون ع اساس اغير جو يعني

بلاقي اهلي بتطلّعو علي بطرف عينهم

وبعد عشر دقائق بتبدأ النداءات

دراستك يا عاصف

ما بدنا اتزعلنا منك

وبتبلش الاسطوانة المعهودة عند الاهل

... بسحب حالي وبروح ادرس

طبعاً بعد فترة بمل من الدراسة فبفكر افتح الراديو شوي

بحط ايدي ع المؤشر وببدا

احرك المؤشر على راديو مرح اف ام

..او راديو سوا او راديو القدس ع امل الاقي شي يسليني وين ما يرووح المؤشر وداني وراه

وفجأه بدون مقدمات زي افلام الرعب ! بنفتح الباب

بفوت حد عليا وبفضح الدنيا

ابنكم ما بدروووووووس وقاعد بسمع الراديوووووو

!!! وكأنه كان مستني اني اشغل الراديو عشان يدخل ويشوفني متلبس

اما في الليل ومن كتر التعب فالواحد بغفى احيانا

بحس الواحد عينه كانها تقلت وسكرت !

وبقدرة قادر بلاقي ماما قدامي

بتقولي

يييييييييييه كلو عندك نوووووم عندك ؟؟

يا نوم يا تلفزيووون

وبصراحة بهاللحظة بصير بدي انتحر واموووت من هال السنة الي وقعت فيها ! قال توجيهي قال

اكتر من مرة حاولت اعرف من الي اسس نظام التوجيهي عشان ارفع عليه قضية بدعوى الارهاب خاصة انو قضايا الارهاب كترت بهال الزمن ...

ما عرفت طبعا مين الي اسس نظام التوجيهي

بس منه لله حيروح من ربنا فين

نرجع للذكريات

احيانا كنت بفكر اروح عند قرايبي طبعا على اساس بدي اغير جو .... ويا محلاه هالجو

بجهز حالي وبطلع و اول ما بحط رجلي على عتبة بيتهم ما بحلالهم يبدأو الكلام الا بسؤال كيف دراستك

وكأنه يا الله ما في حدا غيري بهال الدنيا وبترجع تشتغل الاسطوانة نفسها شد حيلك فرحنا بدنا فوق %90 لا شو فوق %90 بدنا فوق %95 ولا اقلك بدنا %100 لا بدنا 1000% عشان قرايبك الي حيقدمو التوتو بعدك

--------------

بغير رأيي وبقول مالي غير اصحاب النت اغير جوو عندهم وبفتح هال الكمبيووووووووووووتر

وبعمل ساين ان على الماسنجر وانا فرحان راح ارتاح من هال الدنيا المظلمه شوية

و اول ما بدخل بلاقي صاحبي نط وسألني كيف التوجيهي ... طبعاً ساعتها بصيبني احباط مفاجيء وبضطر اعملو بلوووووووووك دائم

يشفي غليلي شوية

بطلعلي واحد تاني بقلي شد حيلك بدراستك ما راح يفيدك النت

سبحان الله كل الناس بصيرو حكماء

وبعطوك نصايح !

كل من هب ودب

هي حياتي كانت بالتوجيهي

اتمنى الاهل يراعو الضغط الي على اولادهم

وما يزيدوووووه

3asef